TERTIB ACARA IBADAH PASSION I, II, III

IBADAH PEMBUKAAN

PEMBINAAN DAN PENYEGARAN PARHALADO DAN

KELUARGA

HKBP KEBAYORAN BARU

Kamis , 02 Maret 2018

Liturgis                       : St. Suzanna br. Situmorang

Renungan                  : Pdt. Timbul Sitanggang

Doa Safaat                 : CSt. Robinson Silitonga

       Pangaradeon (Tangiang na hohom…Prelidium Musik)

1.      Marende: BE. No. 15:1+3 : 1 & 3     “Aut na saribu haliganda”          BL. 103

♫    Aut na saribu hali ganda saringar ni soarangki.

Naeng nasa gogo bahenonku mamuji Debatanta i.

Paboa  las ni rohangki hinorhon ni pambaenna i.

                                    .....jongjong......

      ♫   Unang ma modom ho tondingku, sai ngot ma ho sai hehe ma!

Radot ma ho di ulaonmu, sai puji Tuhan Debata.

Sai pangke nasa malomi, mamujimuji Tuhan i!

2.      Votum – Tangiang  (U: Uluan; S: Sude)

U   :  Marhitehite Goar ni Debata Ama, dohot AnakNa Tuhan Jesus Kristus, dohot Goar ni Tondi Porbadia, na manompa langit dohot tano on.

R   :  Amen

U   :  Ganup ari do pujionku Ho, jala pasangaponku goarMu ro di salelenglelengna.

R   :  Timbul do Jahowa, jala sipujion situtu, tung na so hadodoan do hatimbulonNa i.

U   :  Sai na masitonaan do angka sundut papujipuji angka jadi-jadianMu jala masipaboaan do nasida di hagogoonMu angka na sumurung i. Haleluya...

         Martangiang ma hita: Ale Tuhan sian asi ni rohaM do umbahen sahat hami tu inganan on. Ho do na mangaramoti hami dibagasan pardalanannami. Sai asi ma rohaM, sai dongani ma hami di sude nasa sangkapnami di pembinaan dohot penyegaran parhalado dohot keluarga ni huriaM HKBP Kebayoran Baru. Pasupasu ma hami ro di angka ulaon na denggan, na huula hami marhitehite GoarMu. Alai na gumodang sian i, pasupasuhon ma hataM na badia i tu rohanami, asa gabe na imbaru rohanami, lumobi ma di angka ulaon panghobasion sihobasannami di huriaMi, asa tarpamasuk Ho hami tu banuaginjang di hasusuda ni bohalnami.

R   :  Tama do hami on sude mandok mauliate tu adopanMu Tuhan, alani holong dohot denggan ni basaM naung hujalo hami di ngolunami. Lumobi di angka ulaon na hujalo hami marhitehite huriaM.

U   :  Nang pe masa ragam ni angka hamaolon di ganup ulaonnami be, alai diloas Ho do hami mangulahonsa dibagasan unduk dohot serep ni rohanami.

R   :  Asi rohaM Tuhan, Ho ma dongannami mangalangkahon langkanami dohot mangula angka ulaonnami di ulaon haparhaladoon, dewan-dewan dohot angka seski-seksi di HuriaM.

U   :  Ale Tuhan, huparhatopot hami do, tung godang do hahurangannami ala ni angka hagaleonnami songon jolma, gabe hurang singkop angka pangkobasionnami di huriaM. Alai na pos do rohanami na pangkeonMu hami hombar tu lomo ni rohaM.

R   :  Asi rohaM Tuhan, sesa saluhut hahuranagannami i.

U   : Ale Tuhan Jahowa, tung pe jotjot hami mardosa, sai unang paingotingot pangalaosionnami i, unang alang rohaM, sai urupi ma hami.

U+R :  Asi rohaM Tuhan, sesa ma saluhut dosanami i, sai unang jujur i tu joloan on. Urupi ma hami mangoloi Ho ganup ari, jala pargogoi huhut dongani hami mangalo dosa i dibagasan pardalanan ni ngolunami, marhitehite Tuhan Jesus Kristus Tuhannami.  Amen.

                                                      ......hundul.....

3.      Marende: BE. No. 228 : 2-3       “Jesus Haposanku”          BL.246

♫   Ho sambing Rajangku Ho do oloanku

            NaposoM do ahu Di harajaonMu

            Sonang ma rohangku Dung tangkas di ahu

            Ho sambing Rajangku Jala oloanku

      ♫   Di harajaonMu  tigor do uhumMu

            Ho ma huihuthon Lao tu hangoluan

            Naung torang tarida Sonang do nasida

            Di harajaonMu Ala ni uhumMu.

4.      Manjaha turpuk : 2 Tim. 4:1-8 

U   : Di jolo ni Debata dohot Kristus Jesus, na ro manguhumi angka na mangolu dohot na mate, huhatindangkon nang hapataronna, nang harajaonna.

R :  Jamitahon hata i, hajongjongkon di tingki na une nang so une; pinsang, paingot, apoi marhitehite nasa lambas ni roha dohot pamodaion.

U   :  Ai na ro ma tingkina, ndang tartahan halak disi poda na tingkos i; alai mangihuthon hisaphisap sandiri ma alaponnasida pangajari na pageokgeokkon pinggolnasida.

R :  Taitonnasida ma pinggolnasida sian hasintongan i, laho paelengkonsa tu angka turiturian.

U   :  Alai anggo ho, sandok unang ma mabuk roham, taon ma na jat i; radoti na tama ulaon ni parbarita na uli; sahat ula tohonanmi!

R :  Ai pasahaton nama anggo ahu songon pelean; na dapot ne ma tingki haluluangki!

U   :  Nunga hupasidung paraloan na denggan i, nunga hupaujung parlojongonki; ramot hubahen haporseaon i.

R :  Diri nama di jolongku tumpal hatigoran, silehonon ni Tuhan, Paruhum na tigor i, di ari sogot i tu ahu; alai ndada holan tu ahu, tu saluhutna do tahe, angka na mangkaholongi hapataronna i.

U   :  Ima sahatna: Martua ma na tumangihon Hata ni Debata jala na umpeosa.

U+R. Amen.

5.      Marende BE. 672 : 1         “Tung godang situtu”

♫   Tung godang situtu ulaonmu antong dipasahat Tuhanta tu ho.

Ndang adong be tingkim marnalemba tahe ngolumi bahen tiruan tongtong

Reff. Sai patupa ma i alani Tuhan i,  so mangkirim balos na tu ho

         Debata do marnida na ni ulami, manang na adong parbue ni i.

6.      Renungan :

7.      Marende: BE. No. 66 : 1 + 3     “Debata Baen Donganmi”                        BL. 52

♫    Debata baen donganmi, lao mangula ulaonmu

Baen Ibana haposanmu, sai paserep rohami

Debata baen donganmi, Debata baen donganmi

♫    Debata baen donganmi, sai na saut do ulaonmu

Sai na tulus do sangkapmu, jala sonang rohami

Debata baen donganmi, Debata baen donganmi

8.      Pembukaan Pembinaan dohot Penyegaran Parhalado dohot Keluarga, Oleh; Uluan ni Huria HKBP Kebayoran Baru :

Uluan :  Ahu, Uluan ni Huria HKBP Kebayoran Baru: Hupungka ma Pembinaan dohot Penyegaran Parhalado dohot Keluarga HKBP Kebayoran Baru - on, mamungka sadarion,  Kamis, tgl 02 Maret s/d 04 Maret 2018: di bagasan Goar ni Debata Ama, dohot Goar AnakNa Tuhanta Jesus Kristus dohot Goar ni Tondi Parbadia.  Amen.

9.   Doa Syafaat :

10.  Marende BE.NO. 792 : 1 – 2 “Pasupasu hami O Tuhan”

Ref.:    Pasupasu hami O Tuhan, sai usehon dameM i.

                  Sai ampehon tanganMi Tuhan, lehon tu au gogoM i.

1.   Di portibi on, baen ma au Tuhan habaoran ni las ni roha.

      Tu na marsak i, tu na dangol i, gabe pangapuli i.

Ref.: ..........

2.   Di portibi on, baen ma au Tuhan, monang maralohon dosa.

      Dibaen gogoM i talu musu i, sibolis pangago i. Pasupasu hami ...

Ref.: ..........

11.  Tangiang Panutup/ Pasu-pasu

IBADAH PAGI, Jumat – 03 Maret 2018

 

Liturgis           : St. Parluhutan Hutahaean

Renungan      : Pdt. Bonatua Siregar

Doa Syafaat   : CSt. Berry Tamba

Pangaradeon (Tangiang na hohom…Prelidium Musik)

01.       Marende BE No. 587, 1-2   ‘Taendehon las ni roha’                        BL. 587

1.         Taendehon las ni roha pasangaphon Tuhan i.

Roha holong na mangonjar laho mangendehon i.

Ganup ari, ganup borngin unang lupa ho disi.

Angka ende na ummuli sipasangap Tuhan i.

Nang parhinaloan i, baen pasangap Tuhan i.

2.                  Taendehon las ni roha, sipadame roha i.

            Tung dao do bada-bada, dohot angka hosom i.

            Hadameon ni Tuhanta i, do sihirimon i

            Tapalambas ma rohanta, mida angka dongan i

            Na martua do sude, na lambok maroha i.

02.       Votum + Introitus + Tangiang

U         Marhitehite goar ni Debata Ama dohot goar ni AnakNa Tuhan Jesus Kristus dohot Tondi Parbadia, na tumompa langit dohot tano on,

            H         Amen.

U         Sai marlas ni roha ma sude na marhaposan tu Ho, sai marendei ma nasida ro di salelenglelengna ala ni ondinganmu nasida, sai marolopolop ma mida Ho angka na holong roha di goarMu.

            Martangiang ma hita,

            Ale Tuhan Jahowa Debatanami! Pujipujian mardonga hamauliateon ma hupasahat hami marningot pasupasuM naung nilehonMu tu hami. Sonang do hami na borngin mangalap gogo. Jala dipadungo Ho hami, manghalashon ari sadari on. Dibagasan manogot on naeng udutannami ma Pembinaan dohot penyegaran nami, Sai urupi ma hami, asa mardalan  dibagasan dame dohot las ni roha. Suru ma TondiM, Tondi Parbadia margogoihon hami huhut mangarajai roha nang pingkirannami, asa tulus ulaonnami dibagasan sadari on. Marhite Tuhan Jesus Kristus, Tuhannami. Amen.

03.       Manjaha Hata ni Debata : Psalm 50,7-15 (Responsoria)

U         Sai tangihon ma, ale bangsongku, asa mangkuling Ahu: Ho ale Israel, asa huhatindangkon tu ho: Ahu Debata do Debatam

H         Ndada ala ni peleanmi umbahen hupinsang ho, manang ala ni peleanmi situtungon, angka na tongtong di jolongku.

U         Ndang nian pola sian jabum Ahu mambuat lombu, manang hambing sian angka baram.

H         Ai guru di Ahu do sude binatang ni harangan, pinahan na marriburibu angka na di dolok pe.

U         Hutanda do sude pidong angka na di dolok, ro di angka na manggulmit di ladang guru di Ahu do.

H         Tung sura male Ahu, ndang pola tu ho Ahu mangalualu, ai guru di Ahu do liat portibi on ro di isina.

U         Tung panganonku ma juhut horbo tunggal manang inumonku mudar ni angka hambing?

H         Pelehon ma tu Debata hamauliateon, jala garari ma angka bagabagami tu Natumimbul.

U         Jala jou ma Ahu jumpa di ari hagogotan, asa hupalua ho, asa dipuji ho Ahu. Martua do na tumangihon hata ni Debata jala na umpeopsa,

            H         Amen.

04.       Marende BE No. 561 :  1-2     ‘Endehon Debata’                  BL. 561

1.         Endehon Debata, Haleluya, Amen. Ama Parholongi, Haleluya, Amen.

Ria ma hita be diadopanNa i. Rap taendehon ma, Haleluya, Amen.

2.         Bereng tu Jesus i, Haleluya, Amen. Parmahan Bolon i, Haleluya, Amen.

Anak ni Debata Parasiroha i. Hot do holongNa i, Haleluya, Amen.

05.       Jamita :

06.       Marende BE No. 218, 1 – 2   ‘Tong do tau haposan’                        BL. 146

1.      Tong do tau haposan Tuhan Jesus i, ala naung diporsan do dosanta i.

         ;,; Hata nang dameNa hangoluan ni angka na porsea di HataNa i. ;,;

2.      Sai tong didongani na porsea i, jala ganup ari ro basaNa i

         ;,; Tu na so marganggu, digogoNa i, na mandok: Tuhanku, na sun denggan i ;,;

07.       Tangiang Pangondianon (Doa Syafaat)

08.       Marende BE No. 666, 1-2 ‘Ingkon do boanonta Barita’       BL. 666

1.         Ingkon do boanonta Barita tu inganan na holom i,

ima holong nang hasintongan dame na manongtongi, dame na manongtong i.

Ai naung binsar do hatiuron, nunga salpu na holom i,

huaso ni Kristus hot do tongtong, salelenglelengna i.

09.       Tangiang Ale Amanami + Pasupasu + Amen (3x).

 IBADAH Malam JUMAT, 03 Maret 2018

 

Liturgis                      : St. Togu Hutagalung

Renungan                 : Pdt. Bintang Siregar

Doa Syafaat              : CSt. Darwin Simorangkir

Pangaradeon (Tangiang na hohom…Prelidium Musik)

01.       Marende BE No. 267, 1+5    ‘O Tuhan sulingkit’                 BL. 100

1.         O Tuhan, sulingkit ma au! Sondangi rohangku tangkas.

Gogongku soada di au! Tu Ho au paringgas, tu Ho au padonok.

Di Ho na ma au. Tu Ho au paringgas, tu Ho au padonok, di Ho na ma au.

            5.         Dipuji rohangku do Ho O Jesus, donganku tutu

       Gogongku sambing nama Ho

       Pinuji GoarMu, Pinuji GoarMu, Hupuji burju

       Pinuji GoarMu, Pinuji GoarMu, Hupuji burju   (Jongjong)

02.       Votum + Introitus + Tangiang

U         Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit dohot tano on,

H         Amen.

U         Ale Jahowa, disulingkit jala ditanda Ho do ahu! Sai diboto Ho do manang na hundul manang na jongjong ahu, gari sian na dao diantusi Ho do pingkiranku.

Martangiang ma hita,

            Ale Tuhan Debata, huhamauliatehon hami do sude denggan ni basaM dohot pangiringiringMu di pardalanan ni ngolunami. Nang dipardalanan ni pembinaan dohot penyegarannami sadari on. Dibagasan borngin on, naeng mangulon ma hami dipodomannami, mangalap gogo na imbaru, asa margogo hami manguduti ulaonnami tu ari marsogot. Naeng jumolo hami pasingkoponMu marhite hataM, ai i do na pasonang jala paposhon rohanami mangalangka tu joloan on. Marhite AnakMu Tuhan Jesus Kristus, Tuhannami, Amen.        (Hundul)

03.       Marende BE No. 28, 1 – 2   ‘Hata ni Jahowa’                                  BL. 203

1.         Hata ni Jahowa, sipadame jolma, hangoluan i.

Halalas ni roha, siapuli roha ni na marsak i.

Gogo ni Debatangki, paluahon na porsea, sian nasa jea.

2.         Nasa tinahiNa, tagan so ditompa tano on dope

            Nang na tinuduan ni sude pelean, jumpang do muse

            Sangkap ni AmaNa i dipatulus Jesus Kristus, jolma i ditobus

04.       Renungan :

05.       Marende BE No. 716, 1  ‘Di na mamolus sandok ngolu on’              BL. 716

1.         Di na mamolus sandok ngolu on, gok do na marsak gale,

Boan sinondang tu na holomi asa margogo muse.

Bahen ma ahu parhiteanMu, pasupasuM mabaor ma i.

Ale Tuhanku, patupa ma au, baen pasupasu tu dongan sude.

06.       Tangiang Pangondianon (Doa Syafaat) :

07.       Marende BE No. 318, 1 – 2    ‘Nunga loja dagingkon’         BL.  14

1.         Nunga loja dagingkon, naeng ma pitpit matangkon,

O Tuhanku mataMi dungo dipodomanki.

                                    (Jongjong)

2.         Sesa jolo sasude na hubaen na so ture;

Ai luhut na sala i dipature Jesuski.

08.       Tangiang Ale Amanami + Pasupasu + Amen (3x).

IBADAH PAGI, Sabtu – 04 Maret 2018

 

Liturgis                       : St. Firman Hutapea

Renungan                 : Pdt.  Juaksa Simangunsong

Doa Syafaat              : CSt. Mombang Sihite

Pangaradeon (Tangiang na hohom…Prelidium Musik)

 01.      Marende BE No. 587: 1 – 2   ‘Taendehon las ni roha’                      BL. 587

1.         Taendehon las ni roha pasangaphon Tuhan i,

Roha holong na mangonjar laho mangendehon i,

Ganup ari ganup borngin unang lupa ho disi.

Angka ende na ummuli sipasangap Tuhan i,

Nang parhinaloani baen pasangap Tuhan i.       (Jongjong)

2.         Taendehon las ni roha, sipadame roha i

            Tung dao do bada-bada, dohot angka hosom i

            Hadameon ni Tuhanta, i do sihirimon i

            Tapalambas ma rohanta, mida angka dongan i

            Na martua do sude, na lambok maroha i

02.       Votum + Introitus + Tangiang

U         Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, natumompa langit dohot tano on,

            H         Amen.

U         Sonang do ahu hupapeak huhut mamintor nok; ai sasada Ho do, ale Jahowa, pasonang ahu maringanan.

H         Molo sapala diingot rohangku Ho diatas podomangku, laos torus sabornginnai marhusari ahu taringot tu Ho.

U         Martangiang ma hita!

            Ale Debata, Ama na manghaholongi hami. Mauliate di Ho, ala ni haluaon naung pinatupaM di hami. Asi ma rohaM, papos ma rohanami di panarihonMu, asa unang tarunjun hami mangalului sipalua na asing angka na so tutu sipalua. Sai tu Ho sambing ma marhaposan hami, ai sipalua hami do goarMu sian nahinan. Amen.                                                    (Hundul)

03.       Manjaha Hata ni Debata : Poda 50: 16 –23  (Responsoria)

U         Alai anggo tu parjahat i ninna Debata do: Boasa tung hum ho jumamitahon angka patikki, jala leap di bagasan pamanganmu padan na hubahen i?

H         Hape dihagigihon roham do sipaingot, jala ditundalhon ho do angka hatangki.

U         Ia adong diida ho panangko, laos lomo do roham mandongani ibana, jala satahi do ho dohot angka pangalangkup.

H         Dipasombu ho do roharoha ni pamanganmu mandok najat dohot dilam mandandani sipaotooto.

U         Sai hundulhundul do ho pahatahata donganmu, sai disuan ho do gasa tu anak ni inangmu.

H         Sai songon i do dibahen ho, jala sai sip do Ahu, jadi ninna roham ma tudoshon ho do Ahu. Sai pinsangonku do ho tahe, jala rujionku do apala di jolo ni matam.

U         Sai timbang ma i hamu, ale angka na mangkalupahon Debata, asa unang sanga husoro hamu, soadadong na paluahon.

H         Manang ise na mamelehon hamauliateon, i do na pasangap Ahu, jala mambahen lapang, asa hupatuduhon di ibana hatuaon ni Debata.

U         Martua do na tumangihon hata ni Debata jala na umpeopsa.

            U+H    Amen.

04.       Marende BE No. 690, 1 – 2    ‘Hibul rohangku’                    BL. 690

1.         Hibul rohangku tu Tuhan Jesus, sude ngolungku di Tuhan Jesus. Ihuthononku do Tuhan Jesus ndang olo au sumurut be.

 2.        Sai hutundalhon haportibion, silang ni Kristus ma hudapothon

            Sai hutundalhon haportibion, ndang olo au sumurut be

05.       Jamita :

06.       Marende BE No. 412, 1   ‘Ndi di dolok adui’                                    BL. 387

1.         Ndi, di dolok adui silang ni Tuhani, sap mudar, sap tijur doi.

Jesus mate disi, asa malum dibaen sude angka gondok roha i.

Dibaeni, tung holong rohangki, mida silang di Golgata i.

Hupasolhot diringku tusi. Dompak surgo pardalananki.

07.       Tangiang Pangondianon (Doa Syafaat)

08.       Marende BE No. 435, 2    ‘Marolopolop tondingki’             BL. 294

2.         Dihaol holongNa rohangki, tung na so boi be mago i.

MataNa do manatap au, pinggolNa tu mangihon au.

Sonang ni tingki, dung jumpang Jesus Tuhanki.

TondiNa mangajari au, tarbaen marlas ni roha au.

Sonang ni tingki i, dung jumpang Jesus Tuhanki.  

            (Jongjong)

09.       Tangiang Ale Amanami + Pasupasu + Amen (3x).

IBADAH PENUTUPAN

PEMBINAAN DAN PENYEGARAN PARHALADO DAN KELUARGA

HKBP Kebayoran Baru Sabtu, 04 Maret 2018

=========================================================

Liturgis                      : Pdt. Bintang Siregar

Marjamita                  : Pdt. Timbul Sitanggang

Doa Syafaat               : Pdt. Juaksa Simangunsong

Perjamuan Kudus     : Pdt. Bonatua Siregar

                                      (Sude Pandita)

Pangaradeon (Tangiang na hohom…Prelidium Musik)

01.       Joujou Marsomba tu Jahowa

U         Manang ise na hundul di pangondingan ni na sun timbul I, marborngin do ibana di linggom ni pargogo na so hatudosan.

H         Ningku do mandok Jahowa: Haporusanhu jala partanobatoanku, Debatangku, marhaposan tu Ibana do ahu!

U         Puji ma Jahowa, hamu angka na niasianNa, jala endehon hamu ma barita ni habadiaonNa i.                                                 (Jongjong)

02.       Marende BE No. 581, 1 – 2  ‘Sangap di Jahowa’                  BL. 581

1.         Sangap di Jahowa na sun timbul i. Balga ni holongNa ndang tarasam i.

Dilehon AnakNa na sasada i, manobus hita jolma pardosa i.    

Reff:   Puji ma, Debata, ale manisia.

Las roham, las roham, somba ma Debata.

Dapothon Jahowa na sun timbul i.

Marhite AnakNa Tuhan Jesus i.

2.         Tung so hasuhatan do basaNa i. Marhite AnakNa nilehonNa i.

MudarNa durus do di hau silang i. rara pe dosanta ias dibaen i.

Reff:   Puji ma, Debata, ale manisia....

03.       Votum + Introitus + Tangiang

U         Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit dohot tano on.

            H         Amen.

U         Martopaptopap tangan ma sude hamu angka bangso! Puji hamu Debata mardongan soara olopolop!

H         Ai Jahowa do na sun timbul, na songkal, Raja Bolon do Ibana gumomgom liat portibi on.

U         Donok do Jahowa di sude angka na manjou Ibana, tongon tahe sude angka na manjou Ibana di bagasan hasintongan.

H         Ingkon baritahonon ni pamanganhu do pujipujian di Jahowa, jala nasa sibuk mamuji goarNa na badia ro di salelenglelengna,  Haleluya!

            U         Martangiang ma hita!

Ale Tuhan debata, Amanami na di banuaginjang. Na ro do hami mandok mauliate tu adopanMu, na tongtong marmahan gulmit ni ngolunami. Pargogoi ma rohanami huhut paimbaru jala parbadia i pingkirannami asa tongtong marpos ni roha hami mangihuthon Ho Sipangolu jala Sipalua hami. Amen.      (Hundul)

04.       Marende BE No. 253, 1    ‘Ale Debatangki’                          BL. 209

1.         Ale Debatangki, lam jonok rohangki, jonok tu Ho.

Ima na sai tongtong, sangkap ni rohangkon, jonok tu Ho.

Nang beha panoguM, di au on naposoM,

Asa lam jonok do, jonok tu Ho. Jonok tu Ho.

05.       Manjaha sian Hata ni Debata : Psalmen 51: 7-12  (Responsoria)  

U :       Tongon do di bagasan hajahaton do ahu tubu, jala di bagasan dosa dijangkon dainang ahu.

H :       Sintong ni roha di bagasan do tongon lomo ni roham, antong pabotohon ma * habisuhon tubagasan rohangku. 

U :       Sai urasi ma ahu sian dosangku marhitehite * sanggul, asa tung ias ahu; sai buri ma ahu, asa + sumaksak ahu sian itak.

H :       Sai patubegehon ma tu ahu hasonangan dohot las ni roha, asa marolopolop holiholi, angka naung ginopuanmu. 

U :       Sai hungkupi ma bohim mida angka dosangki, jala sesa ma angka hajahatonku sudena.

Sude: Tompa ma roha na ias di bagasan ahu, ale Debata, jala paimbaru ma tondi na marsihohot di bagasan ahu. Amen.

06.       Marende BE No. 701, 1 + 3   ‘Tu Ho do au marpadan’       BL. 701

1.         Tu Ho do au marpadan, O Jesus Tuhanki, asa burju haposan au di adopanMi.

            Sai Ho ma mandongani au di ulaonki. Ajari pargogo i ma au di ulaonki.

3.         PadanMu ale Jesus tu angka ruasMi, luhut do toguonMu tu hasangaponMi. Padanku pe O Jesus satia au tu Ho, sai pargogoi ma au, lao mangihuthon Ho.

07.       Jamita :

08.       Marende BE No. 130, 1   ‘Parohon HarajaonMi’               BL. 212

1.         Parohon harajaonMi, sahalaMi do i. Dibaheni,

O Jesuski, ndang jadi sundat i.

            Alai ianggo eme i, ndang olo marparbue i, 

Ianggo so na mate i di na buni di tano i;

Denggan do i, dibaen na mate i.

09.       Tangiang Pangondianon (Doa Syafaat)

10.       Marende BE No. 713, 1 ‘Togu au O, Tuhanki’                 BL. 713

1.         Togu au O, Tuhanki, iringiring langkangki.

Tung maol do dalan i, unang lilu au disi.

Jesus, Tuhan, gomos tiop tanganki,

Nang rahis pe dalani, sahat au tu surgo i. 

11.              PENUTUPAN PEMBINAAN DAN PENYEGARAN : Oleh Uluan.

U      : Hamu angka dongan, tama do hatindanghononta  pambahenan ni Debata di hita di bagasan tingki on. Denggan do mardalan pembinaan dohot penyegaran Parhalado dohot keluarga ni Huriata na tapatupa  mamungka  sian ari na salpu i sahat tu sadarion.

H      : Godang ma tutu na binahen  ni Jahowa tu hita, ndada ala ni gogonta jala ndang alani ni pambahenanta.

U      : Margogo ma hita sude angka parhobasNa pasauthon  angka naung nataulahon di pembinaan dahot penyegaran on, asa gabe puji-pujian dohot hasangapon di Jesus Kristus Raja ni Huria i.

H      : Tarjou do hita patupa angka ulaon parasirohanaon songon Tuhan Jesus na patupa ulaon i. Jala tusi ma hita mangihut. Asa taruli sude ruas ni huria di hamalumon ni angka sahit, pangapulion, hahipason dohot hahisaron  ni pamatang dohot tondi.

Uluan: Ahu, Uluan ni Huria HKBP Kebayoran Baru: Hupaujung ma Pembinaan dohot Penyegaran Parhalado dohot Keluarga HKBP Kebayoran Baru - on,: di bagasan Goar ni Debata Ama, dohot Goar AnakNa Tuhanta Jesus Kristus dohot Goar ni Tondi Parbadia.  Amen.

12.       ULAON NA BADIA :

01.        Marende B.E. 152 : 1   Jesus na mamorsan.  BL. 120.

Jesus na mamorsan dosa ni portibion, pangolu hami.

Jesus na mamorsan dosa ni portibion, pangolu hami.

Jesus na mamorsan dosa ni portibion, sai pasonang hami.

Amen, Amen, Amen.

02.        Agenda.

a. Salam dohot tangiang.

b. Panangkasion di diri.

c. Tangiang: Ale Amanami.

03.    Marende B.E. 153 : 1.  O Jesus naung sineat         BL. 126.

O Jesus naung sineat di hau na pinarsilang.3

Roham tongtong daulat, nang uju Ho tarsilang.

Marutang hosa hami, ditaon Ho dosanami.

Asi rohaM, o Jesus.

04.    Tona ni Tuhan Jesus padirihon Ulaon na Badia.

05.    Manganhon Parpadanan Nabadia i (huhut marende).

B.E. 155 : 1... Naung moru do muse sataon. BL. 192.

1.      Tuson ma ho ale tondingku, di na mauas male ho.

      Manjalo basa ni Tuhanmu, pinarade-Na i di ho.

      Dilehon Jesus do daging-Na marhite-hite roti on.

      Dilehon dohot do mudar-Na marhite-hite anggur on.

2.      Ai nang tongtong pe ganup ari, mudar-Na mangurasi au,

      Huhut Ibana so mansadi, manogu tu lambung-Na au.

      Sai naeng au mangan parpadanan ni Jesus Kristus, Tuhanki.Na padamehon parbadaan, na pasonangkon rohangki.

3.      Asi rohaM di au, o Jesus, tumpahi au sadarion;

      Ai hata-Mi do hupatulus, manganhon parpadanan on.

      Antong patiur ma rohangku, marningot denggan ni basaM;

      I ma na tinaon-Mi dosangku binaen ni holong ni rohaM.

B.E. 449 : 1.... Sai solhot tu silang-Mi.   BL. 300.

1.      Sai solhot tu silang-Mi, Jesus ingananku. Mual na mabaor disi, ima pujionku. Silang-Mi, Tuhanki ima pujionku, paima sogot sahat au, i endehononku.

2.      Lao ma au tu silang-Mi, i haporusanku. Sai asi ma roha-Mi unang tulak ahu. Silang-Mi, Tuhanki ima pujionku, paima sogot sahat au, i endehononku.

3.      Domu ma tu silang-Mi, ima tioponku. Asa unang lilu au, Ho ihuthononku. Silang-Mi, Tuhanki ima pujionku, paima sogot sahat au, i endehononku.

4.      Laos maniop silang-Mi sai paimaonku. Gokhon-Mi tu surgo i, tu siteanonku. Silang-Mi, Tuhanki ima pujionku, paima sogot sahat au, i endehononku.

B.E. 88 : 1... Di surgo do alealenta.        BL. 106.

1.      Jesusku naung manobus ahu, sai naeng haholonganku Ho.

      Tu dolok Golgata ho laho, nionjar ni holong-Mu do.

      Hupuji nasa asi-Mi, alai gumodang holong-Mi.

2.      Tarsolsolbagi do rohangku paidaida dangol-Mi,

      Marningot sasude dosangku, ai i do na tinaon-Mi.

               Hupuji nasa asi-Mi, alai gumodang holong-Mi.

06.    Pujipujian Ende Panutup :

Marende BE.NO. 515 : 2 + 4 ”Ringgas ma tapaboa”

GoarNa tapaboa  tu liat tano on,

Ai ido da manggohi tongtong rohanta on.

Taaithon na gogoNa i na so dung talu i, goarNa tapaboa tu liat tano i

............................ jongjong .........................................

Taboan ma goarNa tu angka jolma i,

Torop na so mananda Jesus Tuhanta i.

Sibolis niolan ni i,  ai dililuhon i, Taboan ma goarNa tu angka jolma i.

13.              TANGIANG PANUTUP & PASUPASU :

Tu jolo ma sude Pandita :

Uluan             : Ale Tuhan Debata, Amanami, na marhabangsa di atas ni saluhut. Nunga  patar huida hami holong ni rohaM na godang i. Tung na so tartimbang do godang dohot arga ni silehon-lehon-Mu di hami. Ai Anak-Mu na sasada i disuru Ho gabe jolma, manaon pardangolan, insak-insak dohot pastap-pastap gabe tarpajal Ibana jala tu hamatean humophop hami. Mauliate ma rohanami, ala naung sae utangnami, jala malua hami sian dosa, sian hamatean dohot sian gomgoman ni sibolis; ala ni i pujionnami ma Goar-Mu na badia i, ala naung dipatupa Anak-Mu pardomuan, pardengganannami tu Ho. Ale Tuhan Jesus Kristus, biru-biru ni Debata, naung mamorsan dosanami dohot dosa ni hajolmaon! Mauliate ma rohanami tu Ho jala pujionnami ma Ho ro di saleleng ni lelengna. Sai pahot ma di hami hasesaan ni dosa dohot dame na pinatupaM i. Sai paias jala parbadia ma hami, asa tarboan Ho hami tu banua ginjang pasaorhon hami tu angka na badia i. Sai bunu jala parsilangkon ma jolma na buruk i dohot sangkap-sangkap na roa na di bagasan hami, asa unang marlindang hami mandapothon Ama na di banua ginjang i. Hupasahat hami ma dirinami tu Ho, jala hulehon hami rohanami bahen inganan-Mu, ala naung dihophop Ho hami. Amen.

(Huria marsorin-sorin mangendehon sasambintas B.E no. 269: 5

 Tu jolo ni Tuhanku. BL. 163)

Sude                : Hugolom di rohangku hau pinarsilang i.

Parompuan   : Laos i do haposanhu, parsigantunganhi.

Baoa               : Ai nunga saut ditobus Tuhanhu tondingki.

Sude                : Ibana do patulus, pasahat langkangki.

Uluan             : Ale Amanami na di banua ginjang. Sai pinarbadia ma goar-Mu. Sai ro ma harajaon-Mu. Sai saut ma lomo ni rohaM di banua tonga on songon na di banua ginjang. Lehon ma tu hami sadari on hangoluan siapari. Sesa ma dosanami songon panesanami di dosa ni dongan na mardosa tu hami. Unang hami togihon tu pangunjunan. Palua ma hami sian pangago.

Sude               (Mangendehon): Ai Ho do nampuna harajaon, dohot hagogoon, ro di hasangapon saleleng ni lelengna. Amen.

             Uluan            : Borhat ma hamu di bagasan dame;   jalo hamu ma  

  pasupasu sian Tuhanta i:

                        ”Dipasupasu jala diramoti Tuhan Debata ma ho. Disondanghon Tuhan Debata ma bohi-Na tu ho, jala asi ma roha-Na mida ho. Didompakhon Tuhan Debata ma bohi-Na tu ho,  jala dipasaorhon ma dame-Na tu tondim”.

Sude    : (Mangendehon) Amen, Amen, Amen.

Marsijalangan ma hita ............................................................................

“SAI BALINTANG MA PAGABE, TUMONDOLHON SITADOAN.

  SAI ARINTA MA GABE SUDE PARHALADO HKBP JATIWARINGIN

  DI ANGKA ULAON NI HURIA I, AI NUNGA OLO HITA

  MASIPAOLOOLOAN”

“EME SITAMBATUA MA DIPEAKHON DI PINGGAN PASU.

  DEBATA DO SILEHON TUA, LUHUTNA MA HITA DIPASUPASU”.

“ASA TU SANGGAR MA AMPORIK-TU LUBANG MA SATUA.

  MANANG TUDIA PE HITA MANGALANGKA DI PANGHABOSION,

  SAI TUSI MA PASUPASUON NI TUHAN HUHUT DAPOTAN TUA”.

SayONaRa…!

BHS