ACARA
KEBAKTIAN
KEL:
SAGUMANI TOBING – BR PANGGABEAN
PATAL
SENAYAN
Jakarta,
27 Februari 2017
---------------------------------------------------------------------------------
“ MARTUA
MA GANUP NA MANGHABIARI JAHOWA, NA MARPARANGE DI ANGKA DALANNA I “
(Psalm 128:1)
- Marende BE No 706:1,3 “ Godang Ni Pasupasu I “
Godang ni pasupasu i, dilehon Tuhanhi/ tarlobi
asiasiMi marhite anakMi/ Jalo ma pujianhi, Jesus Sipalua i/ Boi au bongot tu
surgo i, marnida hasangaponMi.
Ndang dung mansohot basaMi saleleng ngolungki/ Ho ma
tongtong pujionhi, sangap di goarMi/ Jalo ma pujianhi, Jesus Sipalua i/ Boi au
bongot tu surgo i, marnida hasangaponMi.
- Tangiang – Pujipujian
*)
L=Liturgis; R=Jemaat
L: Dibagasan Goar ni Debata Ama, dohot Goar ni
AnakNa Tuhan Jesus Kristus, dohot Goar ni Tondi Parbadia, Amen.
Nalom do rohangku ale Debata,
marende ma ahu jala umpalu arbab, ima tutu ale hamuliaonhu.
R: Pujionhu ma Ho ditongatonga ni angka
bangso ale Jahowa, jala endehononhu ma Ho ditongatonga ni angka marga. Ai
manalpui angka langit do godang ni asi ni rohaM, jala tolhas ro di aoangaoang
parginjang do hasintonganMu.
L:Ale Tuhan Debata Amanami parasiroha na sumurung di
sude jolma. Sai tumpahi ma hami marhitehite asi ni rohaM, asa margogo hami jala
marbenget ni roha songon anak haholongan ni rohaM I. Pasupasu ma las ni
rohanami di botari on, mamongoti jabu ni keluarga amanami Kel Sagumani Tobing –
Br Panggabean na pinaimbaru nasida marhite pasupasu na pinasahatMu tu nasida.
Mian ma Ho Tuhan raphon nasida diparngoluonna siganup ari, tongtong ma denggan
basa dohot asi ni rohaM na manggomgom nasida. Amen.
- Marende BE No 188:1-2 “ Jahowa Siparmahan Au “.
Jahowa Siparmahan au, ndang hurang manang aha/ Ai
nasa jea dipadao do sian dorbiaNa/ Tongon dibaen na lomak i, lao pangoluhon
tondingki/ dibaen asi rohaNa.
Ditogu au tu nation, aek mata hangoluan/ Dibaen do
tondingki sio, di dalan hasonangan/ Sabam rohangku do tongtong, saleleng au di
tano on/ baen sangap di goarNa.
- Debata do haroroan ni pasupasu.
*)
L=Liturgis; R=Ruas/jemaat.
L: Patimbulonhu ma Ho ale Debatangku, Ho ale
Raja, jala pujionhu ma GoarMu ro di saleleng ni lelengna.
R: Ganup ari do pujionhu Ho, jala pasangaponhu
GoarMu ro di saleleng ni lelengna.
L: Timbul do Jahowa jala sipujion situtu,
tung na so hadodoan do hatimbulonNa i.
J: Sai na masitonaan do angka sundut
papujipuji angka
jadijadianMu, jala masipaboaan do angka
nasida dihagogonMu angka na sumurung
i.
L: Sai papingkirpingkironhu do hinauli ni
hamuliaonMu na sangap i, dohot barita ni angka halongangan angka na binahenMi,
jala pajojoronhu do angka hatimbulonMu.
J: Ingkon doras do pararaton parningotan ni
denggan ni basaM
na godang i, jala marolopolop nasida
mida hatigoranMi.
L: Martua ma ganup na manghabiari Jahowa, na
marparange di angka dalanNa i.
J: Sai panganonmu do na niula ni tanganmu,
martua ma ho jala
sonang.
L: Tudoshon hau anggur na marparbue do
ianggo jolmam dibagasan angka bilut ni jabum, tudoshon tunas ni hau jetun do
angka anakmu humaliang mejam.
J: Ida ma sai songon i do tongon dapotan
pasupasu baoa na
manghabiari Jahowa.
L: Sai pasupasuon ni Jahowa ma ho sian Sion,
asa paidaidaonmu hinadenggan ni Jerusalem ganup ari saleleng ho mangolu. Jala
ingkon idaonmu do angka pahompum tubu ni anakmu. Martua do na tumangihon Hata
Ni Debata jala na umpeopsa.
L&J: Amen.
- Marende 772:1,3 “ Tuhanhu Do Pature Dalanhi “
Tuhanhu do pature dalanhi/ Tuhanhu do patiur
langkangki/ Sian nasa rohangki, hupasahat ngolungki/ Tuhanhu do patiur
langkangki.
Tuhanhu do pature dalanhi/,
Tuhanhu do patiur langkangki/ Hupasahat diringki tu tangan ni Tuhanhi/ Tuhanhu
do patiur langkangki.
- Jamita
- Marende BE No 753:1,3 “ Di Pardalanan Jesus Di Jolongku “
Dipardalanan Jesus di jolongku, holong ni tanganMi
manogu au/ Nang di ngolungku Ho do sombaonhu, tung sonang mardalan raphon au/
Huboto do tangkas panoguonMu, diiringiring Ho do langkangki/ Sahat ro di ujung
ni pardalanhu, togu ma au jonok tu lambungMi.
Patogu ma Tuhan haporseaonhu, asa
polin tu Ho manghirim au/ Tu Surgo I patulus pardalanhu, TondiMi maringan ma di
au/ Huboto do tangkas panoguonMu, diiringiring Ho do langkangki/ Sahat ro di
ujung ni pardalanhu, togu ma au jonok tu lambungMi.
- Tangiang
- Marende BE No 755:1-2 “ Haposan Ho Tuhan “
Haposan Ho Tuhan hot do holongMu/ di las ni roha
tingki arsak pe/ Asi ni rohaMi nang pambaenanMu/ Ho Sipalua pangondingan pe/
Haposan Ho Tuhan, Haposan Ho Tuhan/ ndang na mansohot asi ni rohaM/ Nasa na
ringkot di au diparade/ tung ala ni asiM do i sude.
Logo ni ari nang rondo ni ari/
nang tano lau bulan bintang i/ Sude tinompaMi manghatindanghon/ denggan ni basaMi
di hami on./ Haposan Ho Tuhan, Haposan Ho Tuhan/ ndang na mansohot asi ni
rohaM/ Nasa na ringkot di au diparade/ tung ala ni asiM do i sude.
- Tangiang Panutup
Tidak ada komentar:
Posting Komentar